Serita a Dana: Part 3- Sugeh Taweang bau usah kayou buak bapou paman

Lau japan bei bak dawaih (teduh). Jawai matalau japan patilek (muncul) kuman sisip awan ja’at kuman bah wab (sebelah timur). Lelep jujok angai, ien udei ujan ba’ai. Kapaut ujan, nyanan mana laei nyanan, jalur mana laei jalur. Betok balau bau seban banir alan, lubeang sapan tanungau kanulat (ditumbuhi kulat), kadeng-kadeng bei kawak titak kalik-kalik galegoh nda paut (galegoh tidak lama), kena pipah bana’oh bak nenyak. Sagok lubeang kanan batou bak tekeang. Mun bei sei, anek puun ujan kena kawak muui (membakar sagu atas belangak).

Bah abei pangai la’an ngak pakiweng mapun pangai wab daya. Ayad nda agei nguna ngunou lah pat lima lau ien. Ajau ngak utuong tulou. Biasa lawei tulou da’at mupuk bak lingak. Usah bapou jegem Sugeh ngak jauk wab alud paman. Rapaih ji den. Matalau bah abei ien ngak patelib bak la’an. Sugeh nda bei agei bak memikir kuba tan tan bak pulek. A daya bak susud dudai lau japan lebaih. Daat agei mengalapeng.

Photo: Mu'ui ( Membakar sagu atas belangak)

Mana-mana apah a nda sepet (sempat) manekeang jalur nda ngak ujan deraih, sei lubeang jalur puun naman jaut sama. Mengeang magou, selalu kawak betok ien titak. Kalik dua telou lau agei nya’em baai lebaih baai saleh. Taba’ieng banir paih dua telou alak nali’id (disusun sebelah menyebelah) bau seban mengatek tipou bak pebak. Nyanan agei sanesed, nda ngak kena nebak menyak. Mangatek lebaih tuu neh baruk lah aa taluaih (anak dara, perempuan muda) tukap nyanan.
Uma padai (sawah padi) bah daya Barangai nda bei sanaan lauih buyak galegoh. Jebah jebah uma padai agei paguun angai bak manahan jaut mebak usah padai. Bawai padai neh, tanawan masieng masieng meteb aneak balau (menanam pucuk rumbia). Mana apah bei uma padai ayeng, ayeng kawa uma balau (ladang rumbia).

Jaut sungei agei lah tanepa, bakah paman bei kawak peseang jangai buyak ulek. Jauk ajok ruhiek kahiek (riuh rendah) tanawan padengah usah bapou (batang bapou-sejenis pokok dihutan) masuat jegem buak seak gak lawei. Lau jamelai (orang bujang, belia) unit taweang bawai usah bapou, keman buak seak, tanguan paman saba-ai. Sugeh tutui taweang bawai sama. Padak gai bak abak aneak kek taweang pulek bawai tebieng bah abak. Sugeh un pabekak gak lawei, lilut naradui buak makin paut makin jauk dudai usah bapou paman. Lilut naradui, nda sader bak taweng pulek.

Bah abei pangai la’an (angin dari barat) ngak pakiweng mapun pangai wab daya. Ayad nda agei nguna ngunou lah pat lima lau ien. Ajau ngak utuong tulou. Biasa lawei tulou da’at mupuk bak lingak (keadaan laut yang tenang). Usah bapou jegem Sugeh ngak jauk wab alud paman (hanyut). Rapaih ji den. Matalau bah abei ien ngak patelib bak la’an (terbenam sebelah barat). Sugeh nda bei agei bak memikir kuba tan tan bak pulek. A daya bak susud dudai lau japan lebaih. Daat agei mengalapeng. Sugeh harap keman buak bapou un bak nyawa lau bak lau malem bak malem. Usah bapou jauk paman wab. Daat kaseh wab nda pakiweng. Pangai la’an daya bahaih-bahaih. Bulan pangejin (Bulan Mac) japan nem atau tujuk malem. Siit bulan musit (anat bulan timbul) japan jabiseh lesut. Sugeh kudok bau pangak ngangau bapou, tigah kawa ji pangak ngangau bak gian baleleak. Bau pangak ngangau ien lah Sugeh malelep mata bak malam.

Jelau bah jelau usah bapou makin paman jauk wab (makin hanyut ke timur). Daun bapou makin ngangaih. Buak telah agei. Harap gak asek ipok (harap kasihan ipok) un agei Sugeh bak tudip. Lebeh dua musit ngak tan (sudah lebih dua kali anak bulan timbul) Sugeh bau bapou. Bei ujan mangangak bebak manyahuong (menyambut) nya-em. Mengatek tan un agei bak pajih.

Bei jasuab matalau bahat bah wab seak sama dangik. Kira kira jataeang (sejengkal) gai matalau kuman dibak, baluab tan kuman daya, baih ien pasirit lalu lah nyabuong awak padou buya pangai deraih. Agei rapaih tan mata manaad nda ngak den wak inou wak pasirit ien. Ngangau bapou mana wak umit mareteb tan agei buyak tekap. Atai labai (betuka, usus) ngak tan bak madudut kuman pa-it. Tuleang lemek lah usah bukou buya pala. Lubeang pait nda bei jumit agei wak kan. Ngak idak lah nda manek nda pasinek. Saji (sekadar) mangatek tan un agei bak matai. Ipok daat agei nda ngak madak giek pebak pahak lubeang da’at.

Photo: Kelueang

Mata lau ngak pariah pused telou pakedeng, jekan bileh tuun segak bateang bapou keman lumut palelok sama debei sangawan (berebut) wak kan. Kadeng-kadeng jekan ayeng tapak melelok wak kan. Bei jalakau kelueang nyat (Jerung besar) melelok jekan umit. Peden kelueang tuun segak bapou, guhok pagegah usah bapou, nyarih (nyaris) agei giek bak pahak, diak un tan peseang gak pangak. Lilut manaad jekan nda giek ingat wak pasirit lalu tan kuman daya tuneh padu ji gaya wak ien ngak segak angai, pasag (berhenti sebentar) udei kali peden giek manaad. Jelau bak jelau bak puun bapou makin sanesad, nda ji batui lahabei (tidak seperti sebelum ini) lesut tapak satengah usah. Mun dua telou lau ien ngangau un maretab, ajau da’an lah lengen puun maretab sama.

For translation and meaning thanks to Tenny peter and my grandmother Hasiah Sam :)
If anyone know some of the word here please leava a comment with the meaning of the word and i will include them in the post :)

Browse More Articles

Tweet

Written by Learn Melanau

Learn Melanau by Nativeglot.com provides insider information about melanau unique cultures and language